قصه خاليه رووعه لا تطوفكم

الـ س ـلآم ع ـليكم
اليوم حبيت اكتب القصه وهذا القصه حلووه وايد
اخليكم مع القصه :
الشخصيات : نوره - غاليه - ناصر - غازي .
نوره عمرها 15 وغاليه عمرها 13 وناصر عمره 20 وغازي عمره 9
مره كل عاده ناصر يروح ييب نوره وغاليه وغازي من المدرسه
وقالت غاليه : نصور طلبتك
ناصر : شنو تبين
غاليه : ابي الجميعه
ناصر : انزين نوره وغازي تبون شي من الجميعه
نوره : لا يعطيك العافيه ابي ارووح البيت ابي انام
ناصر واهوا يضحك : هههههه رووحي البيت ونامي ما شاء الله عليج ما تشبعين نوم
غازي : اي ابي بطاط نايس خل وملح وككاو جلكسي وبيبسي
غاليه : خلاص ناصر وصلوهم البيت انا حفظت شنو نيبي غازي
ناصر : انزين يا ويلج ان نسيتي
وراحو الجميعه
غاليه : اقول ناصر شنو يبي غازي
ناصر : ماشاءالله توج حافظ شنو يبي غازي آنا اوريج ترى فوني ما فيه رصيد
غاليه : خلاص خلاص جني تذكرت بطاط نايس ملح ووو ككاو فليك ووو ميرندا
ناصر : لا يا حبيبتي هذا اكلج اللي يبيه ككاو جلكسي وبيبسي وبطاط نايس خل وملح يا مينونه
غاليه : انزين خلاص الحين اشتري
وشرت غاليه اكلها واكل غازي وصلو عند الكاشير طبعا ناصر ما عنده الا 5 دنانير مصروفه اليومي وما يبي يقط ولا فلس منه
غاليه واهيا مستحيه: ناصر ابي اقول لك شي
ناصر : شنو ؟
غاليه واهيا مستحيه: ترى مو معاي ولا فلس
ناصر : لا والله شوفي خلاص انا ابي ادفع بس اول ما نرجع البيت تاخذين من امي الفلوس اللي صرفتهم عليج وعلى غازي انزين ؟
غاليه : ان شاء الله
ناصر : لوسمحت كم الحساب ؟
الكاشير : دينار ونص
ناصر : دينار ونص
غاليه واهيا مستانسه : مو وايد صح
ناصر : اي مو وايد
وصلو البيت وغاليه عطت غازي اكله وراحت عند امها
غاليه : يما ممكن طلب ؟
ام ناصر : اي نعم تفضلي شنو تبين فلوس حق ناصر ؟
غاليه : اي يما اليوم رحنا الجميعه وخذيت منه دينار ونص وقال رديهم لي من امي قلت له انزين
ام ناصر: انزين روحي افتحي بوكي واخذي دينار ونص وريني لا تاخذين اكثر
غاليه : ان شاء الله يما
وراحت غاليه وخذت الفلوس
غاليه : يما شوفي بس دينار ونص
ام ناصر : انزين عطيهم ناصر بسرعه
غاليه : ان شاء الله
وراحت غاليه عند ناصر
ناصر : غاليه وين الفلوس
غاليه : هاك يلا باي ابي اناااام
غاليه : غازي وينك ما تبي اكلك ؟
غازي : اي اكيد ابيهم
غاليه وغازي قاعدين ياكلون وخلصو
غازي : يلا ابي اروح انام
غاليه : اي حتى انا
غازي : يما انا وغاليه نبي ننام
ام ناصر: نوم العوافي
غاليه وغازي في نفس الوقت : الله يعافيج
ام ناصر وابو ناصر يسولفون
ابو ناصر : اقول ام ناصر شرايج نروح هذي العطله روما
ام ناصر : والله فكره حلوه احنا والله من زمان ما سفرنا
ابو ناصر : اي والله كل الناس يروحون يردون واحنا قاعدين بالبيت لا شغل ولا مشغله
ناصر توه راد الساعه 5 المغرب : هلا يما هلا يوبا اشلونكم؟
ابو ناصر : الحمدلله وينكم انت وين رايح ؟
ام ناصر : بخير الله يسلمك انت شلونك ؟
ناصر : والله بخير والله يوبا انا كنت بالدوانيه مع ربعي اسولف
ابو ناصر : اكو احد يروح الدوانيه هل وقت الناس يروحون بعد صلاة العشاء المغرب مو من الساعه 2ونص واهوا بالدوانيه
ناصر : عادي يوبا احنا عيال هل زمن جذي كله نرووح مبكر
ام ناصر : ناصر احطلك الغدا ولا لا؟
ناصر : لا مشكووره يما توني ماكل من برجر كنج الحمدلله
ام ناصر : عليك بالعافيه
ناصر : يما يوبا انا ابي ارووح اتسبح تبين شي ؟
ام ناصر : طلبتك قعد نوره وغاليه وغازي من النوم
ناصر : من عيوووني
ناصر راح غرفه نوره وغاليه : نوره وغاليه يلا اقعدو الساعه 5 المغرب ادرسو بس اخلصو
نوره : انزين نصووور روووح قعد غازي انا اقعد غاليه
ناصر : ان شاء الله
نوره : غاليه قومي اخلصي مو باجر عليج امتحان ترى مو باقي شي على امتحانات اخر العام اخلصي قومي
غاليه : يلا يلا قمت انتي رووحي الحمام وانتي ارووح حمام امي
نوره : انزين قووووومي
ناصر عند غازي يقووول ناصر: غااازي يلا الساعه 5 المغرب ما باقي الا يوم وبعدين عطله لمده اسبوع حق امتحانات اخر العام قوم
غازي : ناصر لا تروووح الحمام ابي اروح
ناصر : ان شاء الله
وبعد مروور الوقت وصار اليوم الثاني وردو من الامتحان كلهم وراحو البيت ونامو
وقامو تغدو وخلصو وكل واحد منهم راح يدرس
وبعد مرووور ثلاث اسابيع وغازي خلص رابعه ابتدائي وطلعت شهادته ونسبته 93.5
وغاليه خلصت 4 متوسط نسبتها 96.2
ونوره خلصت 2 ثنوي تدخل 3 بنسبه 92.9 وتبي تدخل علمي
وامهم وابوهم قالو لهم عندنا لكم مفاجئه بمناسبه تفوقكم نبي نرووح روما
واهم مستانسين ويطلبون من ناصر ونوره تقول : نصووور ابي اطلبك طلب
ناصر : هلا قولي
نوره : لا تاخذ كورس صيفي
ناصر واهوا منصدم : لييييش
غاليه : عشان نروووووح روما
ناصر واهوا منصدم : صج ؟
غازي : اي والله روح قول حق امي وابوي
وبعد اسبوع راحو رووما
وقعدو بـ روما اسبوعين وردو الكويت وعاشو حياتهم وبسعاده
وتمت بحمد الله
بس هذي القصه طبعا كله من مجهود شخصي واللي يبي ينقلها يذكر المصدر الله يعافيكم

آلمصدر : منتديات معجبين emma roberts
[ندعوك للتسجيل في المنتدى أو التعريف بنفسك لمعاينة هذه الصورة]

مشكوره حياتي ع المجهود ويسعدني اكون اول رد لموضوعج
تقبلي مروري

تسلمين حياتي

ويشرني انج اول من رد على موضوعي

.